Shillong Naiwieng 04: U Symbud Myntri Rangbah ba khmih ïa ka Tnad Transport u Ma Sniawbhalang Dhar ula ong, ba ka sorkar jylla ka la shimkhia ban ïakren bad ïa syllok bad baroh kiba donbynta lang ha kaba ïadei bad ka projek lynti rel, da ka jingthmu ban ïoh ïa shim lang ïa kawei ka rai hashwa ban ïaid shakhmat.
Haba iakren bad ki ladpathai khubor ha ka sngi Baar, u Ma Sniawbha ula ong ba ka jingïakren ka dang ïaid shakhmat bad ka sorkar ka ïengskhem ha ka nongrim ban pyndon bynta lang ïa baroh kiba don bynta ha ka kam ha kaba ïadei bad katei ka mat.
Ula ong ba ka sorkar ka donkam ban ïasyllok bad ki paidbah, ban sam ïa ki jingtip bad ban pynsngewthuh paidbah shaphang katei ka projek ban pynthikna ba baroh kin don lang ha kawei ka rynsan hashwa ban jam shaphrang.
“Kumta kan dang shim ïa ka por bad kam long kaba suk bha” ula bynrap.
Ha kaba ïadei bad ka jinglong jwat jong kane ka projek, u Ma Sniawbha ula ong, “Tad haduh ba baroh kim don lang ha kajuh ka rynsan kan ym long satia kaba suk ïa ka sorkar ban ïaid shakhmat bad katei ka projek kaba heh”.
