Shillong, Naitung 30 : U Lamphang jong ka Ïing Dorbar Thawain ka Jylla u Thomas A Sangma u la ïathuh ba mynta u dang bishar bniah ïa ka jingkyrpad jong u MLA ba shah sospon ha ka Voice of the People Party (VPP), Bah Adelbert Nongrum ba un ym pdiang satia ïa ka jingdawa sospon ïa u da kaba kdew ba kam shym la thoh sha u kum u MLA.
Ka jingkam jong u Bah Adelbert ka long ba ka hukum sospon, kaba la thoh tang kum “Adelbert Nongrum, Jaïaw Shillong” kam shym la kdew satia ïa ka kyrdan MLA jong u.
U ïasaid ruh ba kane ka lah ban wanrah ïa ka jingkulmar, namar ki lah ban don kiwei pat ki riew shimet kiba don kajuh ka kyrteng kiba sah ha Jaïaw. Une u MLA u ïai ban ruh ba haduh mynta u dang dei u nongmihkhmat ba la jied hok da ki paidbah.
Halor kane ka bynta, u Lamphang u la ïathuh ba ïa kane ka ishu u la phah sha ka Legal Department bad Advocate General ban bishar bniah.
“Nga dang bishar bniah ïa ka. Nga la phah ruh ai ka sha ka Legal Department bad ruh sha u Advocate General jong ka jylla,” u la ong haba kren bad ki lad pathai khubor.
