Jowai, Naitung 21 : Ka jingïalehkai phutbol ‘5th Debo Shullai Memorial Trophy’ 2nd Division Football League Cum Knockout Tournament-2022 bala pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium Jowai.
Haba phai sha ka jingïakhun kaba la long hapdeng ka Khliehïongriang pyrshah ïa ka Dongmihsngi, na ka liang ka kynhun ïalehkai jong ka Khliehiongriang kala lah ban pynliem da 1-0 kol ïa ka Dongmihsngi. Ïa katei ka shikol la theh da u Kerlang Dkhar ha ka minit ba 50.
Ka jingïalehkai lashai ka sngi 22 tarik kan long hapdeng ka Khliehmynkrem pyrshah ïa ka Phramer ha ka por 3 baje nohphai sngi.
