Mawkyrwat, Nohprah, 15: Ki nongkyrshan na kiwei pat ki party ha ka General Meeting jong ka UDP Ranikor Zonal Unit ba la pynlong mynta ka janmiet 10.12.2022 ha Shnong Ranikor ki la leit pynïasoh ban kyrshan ïa u kyrtong ka UDP Ranikor Constituency, u bah Pius Marweiñ.
Ha katei ka janmiet kumba 100 ngut tam ki nongkyrshan jong ka NPP, INC bad kiwei kiwei ki party kiba wan pynïasoh thymmai sha ka UDP ha kaba u MLA/MDC jong ka Ranikor Constituency, u bah Pius Marweiñ u la ïoh ban pdiang sngewbha ïa kiba wan pynïasoh thymmai sha ka Party UDP.
Ha kane ka sngi u MLA/MDC u la ïoh ruh ban pynskhem ïa ki nongkitkam jong ka UDP Ranikor Zonal Unit naduh ki Parent Body, Women’s Wing bad Youth’s Wing bad lah ïoh ban pynskhem ïa ki Nongkitkam jong ki UDP Ranikor Primary Unit bad Pamdaba Primary Unit naduh ki Parent Body, Women’s wing bad Youth’s Wing.
