Nongpoh, Naiwieng 28 : Da ka jingbuddien ki Seng Longknie bad Seng samla Umroi Pyllun mynta ka janmiet ha ka por 5 baje ei ei ki la ïoh ban kurup ïa ka kyiad da ki spah litar na kwei ka jaka ba la buhrieh da ki nongdie kyiad beiñ ba hap hapoh u pud u sam ka shnong Umroi Umdohbyrthih. Ha kane ka jingïoh kurup kyiad la ïalam da ki seng Longkmie bad seng samla Umroi pyllun bad la donlang ruh ki dkhot ka Executive commitee ka shnong ha ka jingïadonlang u rangbah Shnong, u Bah P.B Sylliang.
Kane na kyiad ba la ïoh kurup ka kynthup ïa ka kyiad pyrsi bad ka kyiad phareng (Indian made Foreign Liquor) ha kaba la kot da ki spah litar.
Kumba la ïathuh da u Rangbah Shnong ka Umroi Umdohbyrthih, u Bah P.B Sylliang la ong ba ki la ïoh jingtip ïa ki briew ba don kti ha kaba shalan be-aiñ ïa kane ka kyiad bad kin sa khot hajir ruh sha ka Dorbar Shnong ban bishar bad ïa ka rai ba khatduh la kin theh sha madan ban pynjot ibka kyiad ne ban ai sha ki bor ka aiñ kan shong ha ka rai ka Dorbar Shnong ha kaba la ju mana ban die ne shalan be-aiñ ïa ka kyiad hapoh ka shnong ka thaw, bynrap u Bah P.B Sylliang kum u rangbah Shnong ka Umroi Umdohbyrthih.
