Da ki shuki ai jingïarap ka EJNC Khliehmyntriang ïa ka Balang Presbyterian Khliehmyntriang

Khliehriat, Naitung 31: Ka East Jaiñtia National Council Khliehmyntriang Unit, hynnin ka sngi saitjaiñ, ka la leit ban ai jingiarap ïa ka balang Presbyterian Khliehmyntriang da ki shuki plastik, u nongïalam jong ka EJNC na Khliehmyntriang, u samla Lector Dkhar, u la ong ba watla kane ka dei tang ka jingai kaba rit hynrei ka dei pat kaba la ai naduh ka mynsiem.
Ïa ka jingïalang ba lyngkot la pynïaid da u Tymmen Basan ka Balang bad la ïa don ryngkat lang ruh ki dkhot ka committee balang lem bad ki dkhot jong ka seng.
Haba kren ha ka jingialang ba lyngkot, u samla Lector Dkhar, u la ong ba ki don bun ki riew ki bym ju pyni lynti lem ïa ki sengbhalang bad ki bun tang kiba mlien ban kdew kti, u la ong ba ka long kaba sngewsih ba kiwei kin kdew kti ïa kiwei, kumta u la kyntu jur ïa ki paidbah ba kim dei ban kdew kti hynrei lada ka don kano kano kaba bakla ki lah ban mih shakhmat bad ban ïakren sngewthuh bad ki nongialam ka seng bad ha kajuh ka por ba kin long ki nongkdew lynti bad ki nongkyrshan lem na ka bynta ka bha ka miat ha ka imlang ka sahlang