Shillong, Jylliew 17: Ka Akashvani North Eastern Service, kaba la tip mynshwa kum ka All India Radio, North Eastern Service, ba la seng ha u snem 1990 ha Shillong, ka pynïasoh ïa ki 8 tylli ki jylla ka North Eastern State lyngba ki prokram bapher bapher. Naduh ba la pynkha ïa ka, ka la kyntiew ïa ka shongsuk, ka jingsngew shipara hapoh ki jaitbynriew jong ka thaiñ shatei lammihngi lyngba ki khubor ba la pynbeit, ka music, bad ba la kren ha kiba bun ki kyntien jong ki trai ri trai muluk. Ki prokram ki long ruh kiba la pynmih katkum ki jingdawa jong kiba sngap.
Ka North Eastern Service ka la pynthymmai ruh ïa ki prokram ha ka 15 tarik mynta u bnai, 2024, kaba kynthup jong baroh ki rta hapoh ka North East da ki jingkren, ki interview, ki feature, bad ka music. La sam ruh ki jingtip halor ki por bad ki sngi na ka bynta ki prokram kiba thymmai, kaba dei na ka bynta ki khynnah (Sundays ha ka por 1pm), na ka bynta ki samla (Wednesdays ha ka por 6:45pm), ki longkmie (Saturdays ha ka por 1pm), ki senior citizen (Mondays ha ka por 1:30pm) bad ki nongbylla ha (Fridays ha ka por 9:30pm).
Ki don ki Snippet na NE (daily ha ka por 7:30 am), ki khana jingjop, ka Start-up jong u bnai (4th Saturday manla ka bnai) bad ki Listeners feedback (1st Sunday jong u bnai @2:30pm ha ka Hindi bad 2nd Tuesday jong u bnai ha ka por 8:35am ha ka English).
Ki Tune hapoh ka Akashvani North Eastern Service daily kadei naduh ka por 6 baje mynstep haduh ka 10:30 pm hapoh ka FM 100.1 MHz, “newsonair” mobile app, ne DTH ki ban don bynta ha ki prokram.
La kyrpad ïa ki nongsngap ban ai ki jingkynthoh bad la pdiang sngewbha ruh ïa ki nongthoh script na ka bynta ki kyntien ki prokram bad ki artist kiba rwai ha kano kano ka ktien (language/dialect) jong ka North East kynthup ruh ïa ki western music. Ki jingrwai ki lah ban dei kiba dangshen, folk/tribal ne devotional.
Na ka bynta ki jingtip ba khambniah donkam ban jngoh ïa ka Station ha Lower Lachaumiere, hajan Governor’s House bad BOSE office lah ruh ban contact hapoh ka email ID: shillong.nes@prasarbharati.gov.in.
