Shillong, Nohprah 06: Uwei u nongshong shnong uba na West Jaiñtia Hills u la phah ka jingujor ba ha ka 13 tarik u Naitung, 2025, u la ïohpdiang shibun tylli ki text message ha ka ‘Telegram App’ na ‘Tradewaltz Finance Company Ltd., (Finance Department), ha kaba la pyntip ïa u shaphang ka ‘crypto mining’ bad ‘investment’ bad la pynngeit ïa u ban thep pisa ha kane ka kam business.
Une uba ujor shuh shuh u la ong ba u head jong kane ka Finance Department u la pynithuh ïalade kum u ba kyrteng u Rev. Carrington Louis of Los Angeles Pasadena ‘A’ City bad pyntip sha uba ujor ban thep pisa kaba duna duh kadei T. 5,000/- ha kaba uba ujor u la mynjur bad kohnguh. Kham hadien la pynrung ka pisa kaba ïoh jingmyntoi kaba T. 9,000/- ba la thep shapoh ka Bank account jong u. Haba bud ïa kane, ba une uba ujor u la nang thep shuh shuh ka pisa kumba T. 60 haduh T. 70 lak. Uba ujor u la ïohpdiang ruh ïa ka email kaba pyntip ba ka pisa ka la lang haduh T.. 1,01,50,000/-; hynrei la shem pat ba ïa katei ka pisa khlem da kyntiew hapoh ka account jong u bad ha ka jaka katei, u la shah kyntu pynban ban siew ïa ka pisa $ 4,900 kum ka approval fee.
