Shillong Nailar 05 : Ka President ba thymmai jong ka BJP State Mahila, Kong Susuki Pariat hynin ka sngi ka la pynbna ïa ka kynhun ba thymmai jong ka State Mahila Morcha BJP haka jingïalang kaba long ha ophis treikam ka party.
Kitei ki nongkitkam kiba thymmai ki kynthup ïa ka Kong Darihun Marbaniang bad ka Moromi Marak kum ki Vice President, ka Dakaniwan Shullai, Matilda Kharbuki bad ka Kong Grace Lanong kum ka General Secretary, ka Kong Sarlinda Kharbuki bad ka Soma Roy kum ki Secretary, ka Kong Rilaakor Syiemlieh kum ka Treasurer, Kong Lolita Kharpor kum ka Adviser, Kong Danna Hynniewta kum ka Media Coordinator.
La jied ruh ïa ki State Executive Member jong ka State Mahila Morcha kiba kynthup ïa ka Payal Saberwal, ka Barnali Ghosh, ka Kong Adalene Hynniewta, ka Anu Thapa, Anjalee Singh, Paul Das bad ka Madhumita Dutta.
Ha katei ka jingïalang la pynkup burom ïa ki nongkitkam thymmai bad la pynkhamti ruh ha ki ïa ka kam kaba kin bat.
Ha kane ka sngi la donlang u State President ka BJP Meghalaya u Bah Ernest Mawrie, State Vice-President u Dipayan Chakraborty, State Vice President u Bah David Kharsati bad u State President Yuva Morcha u Bah Wankitbok Pohshna.
Kane ka long katkum ka kyrwoh ba la phah da u President ka BJP, Bah Ernest Mawried.
