Nongpoh, Nohprah 12: Tang hadien ba ka samoi treikam jong ki nongïalam barim ka RBYF Bhoirymbong Circle kala poi noh sha kaba kut, ki nongïalam ka sengkmie hynnin ka sngi kila hiar sha ka thaiñ Bhoirymbong ban pynskhem ïaki nongïalam ba thymmai kiban sa bah ïaka lyngkor ha katei ka thaiñ naka bynta ka samoi treikam jong u snem 2025-28.
Ki nongïalam ba thymmai jong katei ka circle ki kynthup ïa u Lamphrang Rympeik um u President, Edmund Marbañiang General Secretary, Emmanuel Shadap Vice President, Calvin Nongkhlem Finance Secretary lem bad kiwei kiwei ki dkhot bad ïa kitei ki nongïalam ba thymmai la pynskhem da u Bah RJ Thangkhiew Political Secretary haka jingdonlang u Bah Liander Nongshli Working President, Bah Phrangsngi Kylla Chief Organising Secretary, ki riew rangbah bad nongïalam shnong ka Lumsohpieng bad Lumdaitkhla Bhoirymbong bad kiwei kiwei ki dkhot bad nongïalam ka seng.
Haba kren ha kane ka sngi naka liang ki nongïalam ka seng kila ai ka jingkyntu kynpham ïa kitei ki nongïalam ba thymmai ba kin shakri hok ïaka kam kumba la bynshet haki ban peit bad khmih ïaka jingeh jong ki paradoh parasnam ryngkat ka akor ka burom.
