Shillong, Nailur, 22: Ka Mylliem Welfare Youth Organisation (MWYO) ryngkat ka jingïatrei lang bad ka National People’s Youth Front ki la pynkhreh ban sam da ki khusnam kaba kyrpang ïa baroh ki samla kiba pass bha ha ka eksam SSLC, HSSLC, ICSE bad CBSE kiba die na Mylliem Constituency.
Katkum ka kyrwoh la ong ba kiban ïoh ïa katei ka khusnam ba tip kum ka U Tirot Sing Syiem Academic Award 2022 kan dei ïa baroh kito kiba wan ha kyrdan ba nyngkong ha ki eksam bapher bapher bad na ka bynta kito kiba wan Top 20 ha ka klas 10 pat kin ïoh da ka laptop.
La kyntu ïa baroh ki samla pule ba kin pynpoi noh ïa ki kot ba donkam kynthup naduh ka marksheet, ki EPIC jong ki kmie ki kpa bad ki phone number ha ophis jong ka NPYF – NPP Youth Wing kaba don ha Lummawbah naduhka por 9:30 baje mynstep haduh 12:00 baje mynsngi kata naduh sngi Nyngkong haduh ka sngi Saitjain bad ka tarik ba khatduh ban pdiang ïa kitei ki kot donkam kan long haduh ka 30tarik u Risaw.
