Shillong, Jylliew 19 : Ka HYC Shella Unit ka la pyntip sha u SDO ka Sohra Civil Sub Division ba ka jingwan lynshop ki bor ka maring ha ki thaiñ Shella ka la wanrah ka jingjulor kaba la kot da ki klur klur tyngka namar ka la syllad naphang lin naduh ki lynti syngkien, ki jingkieng, ki surok, ki kynroh bad kiwei kiwei.
Katkum ka kyrwoh ba la phah da u Seiborlang Diengdoh, General Secretary ka HYC Shella, la ong ba ka don kaba shah ktah jur eh kadei ka Kher Pyrkan ha kaba ka umsaw ka la rong noh ïa ka kynroh kaba l ashna khnang ban ïada ïa kane ka dong bad ruh ïa ka surok kali kaba la shna lyngba ka SPV Society.
“Ka jingjulor jong kine ki ar tylli ki kam ki la kot da ki klur tyngka. Ka jingjulor ka kynroh kaba la shna ban ïada ïa ka Kher Pyrkan ka la buh jingma namar ka poi ka lah ban poi wat ha ki iing shnong ruh,” bynrap biang ka kyrwoh.
Shuh shuh la kyntu ruh ïa ki bor sorkar ban pynkloi ïa ka jinglum jingkhein bad jingtohkit ïa ka jingjulor khnang ba ki bor ba dei peit ki ïoh noh ban phah maramot biang.
