Shillong, Nailar 6 : Ki Pulit jongka East Khasi Hills ki la pyntreikam da ki Helpline Traffic Number Phone khnang ba ki paidbah kin ïoh ban pyntip mar mar lada jia ba don ka jingdheng kali ne jingpynthut ïa ka jingïaid jingïeng ki kali khnang ba ki pulit kin ïoh ban leit beh mar mar shata ban pynduna ïa ka jingdheng kali ha kane ka nongbah Shillong.
Kat kum ka jing\ïathuh jong u SP ka East Khasi Hills u bah Vivek Syiem u la ïathuh lyngba kine ki Helpline Numbers ki paidbah ki lah ban pyntip mar mar lada don kano kano ka jingdheng kali, jingpynthut na ka jingkhyllem dieng, sniew kali, aksident ne ka jingsniew bad jingbym shngaiñ ka surok ban ïaid na ka jingtwa bad kumta ter ter.
Kine ki number ki don ha ki 7 tylli ki Police Station kata ha ka Laban Traffic Branch 6909396411, Laitumkrhah Traffic Branch 6909396412, Rynjah Traffic Branch 6909396413, Lumdiengjri Traffic Branch 6909396414, Sadar Traffic Branch 6909396415, Madanrting Traffic Branch 6909396416 bad Mawlai Traffic Branch 6909396417.
La kyntu ïa ki paidbah ba kin pyntip mar mar sha kine ki phone number namar kan ïarap ïa ki bor pulit ban leit mar mar sha kine ki jaka ban pyllait \ïa ka jingdheng kali.
