Da ki Drone yn jurip ki bor District EJH ban lap ïa ki krem dewïong ‘liewkhnai be-aiñ

Shillong, Rymphang 16 : Ki bor Synshar District ka East Jaintia Hills, ki la pyntip ba kin leh da ka drone survey ban lap bad ithuh ïa ki par tih dewiong thliew khnai hapoh ka District.
ïa kane ka survey da ki drone yn leh da ka Meghalaya Basin Development Authority (MBDA) ha ryngkat ka Director of Mineral Resources (DMR), Shillong bad ka Tnad Pulit.
U Deputy Commissioner Manish Kumar u bthah ïa ki paid nongshong shnong ba kin ai ka jingïatreilang bad ki bor District ban lah pynïaid beit ïaid ryntih ïa kane ka survey.
Kane ka jingleh survey ka dei kaba la shimkhia hadien ka jingjia bthei ka par tih dewiong beaiñ ha Mynsngat-Thangsko, kaba la shim ïa ka jingim ki nongbylla kaba la kynjoh sha ka 33 ngut.