Shillong, Naitung 21: Ka jingshna ban pynbha ïa ka jingkieng Dam ha Umïam ka la jan dep mynta bad kaba sah ka dei sha ki bynta ba shajrong ïa kaba la siang dewbilat thymmai hajrong ka jingkieng ban ïaid ki kali.Ha kajuh ka por ka MeECL ka la pyndait ruh ïa ki CCTV camera ha kane ka jingkieng ban lap ïa ki kali kiba kit palat pud kiba ïaid na kane ka jingkieng, da ka jingdon ïa kine ki CCTV camera la lah ban kem ïa ki kali kiba la kit palat pud ka jingkhia na kaba la buh.
Halor kane la ïohi ba ki nongtrei ki dang pyndait ïa ki CCTV camera kiba la pynïeng ha kane ka jingkieng kaba yn sa shah noh ïa ki kali ba kin ïaid kumba ju long lait noh ïa ki kali kiba kit khia palat la khang. Haba ïadei bad kane ka MeECL ka la dep ban pynkhreh bad kin sa pyntip paidbah katno ki kali kila lah ban kit ban ïaid na kane ka jingkieng bad katno kiba la khang ban nym shah ban ïaid na kane ka jingkieng dam kaba la sator mynta.
