Shillong, Nailur 10 : U Myntri Rangbah ka Jylla Conrad K Sangma u la pyntip ba ka ka Integrated Control and Command Centre (ICCC) kaba don ha Mawdiangdiang ka la treikam pura mynta.
U la ïathuh ruh ba kane ka Centre kaba don bad ki 348 tylli ki CCTV ha kylleng ki bynta jongka nongbah Shillong ka don ïa ka bynta kaba khraw ban pyntikna ïa ka jingpeitngor bad ka jingshong shngain, ong u Myntri Rangbah haba jubab halor ka jingkylli kaba la wanrah ha Iing Dorbar ha kane ka sngi Balang.
Kane ka ICCC Project ka la ïoh pdiang ïa ka mangtyngka kaba haduh 159.43 klur tyngka na ka bynta ban pynbit pynbiang ïa ka.
U Myntri Rangbah u la pyntip ruh ïa ka jingtreikam jong ka ICCC haba ïadei bad tehlakam bad buddien ïa ki kam bymman. Tad haduh ka 02tarik Nailur 2025, ki CCTV ba peit da ka ICCC ka la ïarap ban lap haduh 10 tylli ki kam bymman
