Amlarem, Lber 01: Shi bynta na ka jingrakhe Jubili Ksiar ne ka jingdap 50 snem jong ka Amlarem Civil Sub-Division da ka prokram ‘Water Sports Festival 2026’ la pynlong haka sngi Saitjaiñ ha ryngkat ka jingïatreilang bad ka Seng Samla Shnongpdeng Cultural & Sports Club bad ka Ophis District Sports Officer, West Jaiñtia Hills haka Shnong Shnongpdeng harud ka Wah Umngot.
Ïa kane ka prokram la pynïaid da u bah Dapbor Syngkrem uba dei u Secretary ka Shnongpdeng bad la ïoh ki kyntien pdiang burom na u Saio BBM Syngkrem President ka Seng Samla Shnongpdeng Cultural & Sports Club.
Ha kane ka prokram la wan ban donlang da u kongsan ma Lahkmen Rymbui MLA ka thaiñ uba dei ruh u Myntri ba peit ïaka tnad pule puthi, ka Information & Public Relations, Law bad Revenue & Disaster Management Departments ka sorkar, ha ryngkat ka Vevotolu Kezo, IAS, Sub-Divisional Officer (Civil), Amlarem, Dr. Kaveri Rabha, MCS, Assistant Commissioner, u K.M. Sangma, SDPO, Amlarem, ma D. Lyngdoh, Block Development Officer, Amlarem C&RD Block, ma Khrawbok Passah, District Sports Officer, West Jaiñtia Hills, ki Dalloi, ki Rangbah Shnong ka Shnongpdeng, Lamba bad ki paidbah nongshong shnong.
Na ka liang u kongsan ula pynpaw ka jingsngewnguh ïa ka jingwan ïashim bynta lang ki paidbah bad pynlong ïa kane ka prokram jingrakhe jubili kaba itynnad shuh shuh. Ula pynpaw ka jingdap sanphew snem jong ka Amlarem Civil Sub-Division ka long ka jingsngew sarong kaba khraw eh namar ba ka Sub-Division ka la kiew bha mynta ha ki kam pynroi bad ki jingdonkam ki paidbha.
Ula ai jingïaroh halor ka jingkiew jong ka Shnongpdeng haka kam jngohkai pyrthei kaba la paw nam bha mynta ïa ka shnong hi baroh kawei, kumta ula pynshlur ïa ki samla ban shim kabu ïa ki skhim sorkar bapher bapher hapoh ka jingïalam jong u Myntri Rangbah ka Jylla bad ban pyni ïala ki sap ki phong ba ki don.
La sam ruh ïa ki khusnam sha ki nongjop kiba long kumne haka Jingïalehkai kinglieng jong ki shynrang la wan ba nyngkong (?10,000) da u Broken Syngkrem, ba ar (?7,000) u Ong Pohktai, ba lai (?5,000) u Bakynsai Lamin. Haka liang ki kynthei wan ba nyngkong (?10,000) ka Bethania Lamin, ba ar (?7,000) – Jesica Lamin bad ba lai (?5,000) – Rebeca Lamin.
Haka jingïakop jngi haka kyrdan Junior Boys wan ba nyngkong (?5,000) da u John Paul Ryngksai, ba ar (?3,000) u Nobleson Syngkrem bad ba lai (?2,000) u Nangkiew Sumer. Haka liang ki kynthei wan ba nyngkong (?5,000) ka Labilon Khongmuloh, ba ar (?3,000) ka Darabakorbha Syngkrem bad ba lai (?2,000) ka Arwakamni Syngkrem.
Haka jingïakop ngam um wan ba nyngkong (?5,000) da Tai Phrangkori Khongmuloh, ba ar (?3,000) – Carnelious Rymbai bad balai (?2,000) – Rubenchel Lamin.
Haka jingïakop ïalehkai (Water Polo) la wan ba nyngkong (?15,000) da ka Frank Adventure bad ba ar (?10,000) ka Royal United.
Katba ha ka jingïakop jngi ki shynrang (Senior) wan ba nyngkong (?7,000) u Hamdiyam Pohtam, ba ar (?5,000) u Embok Lymba bad ba lai (?3,000) u Tourist Ryngksai.
