Jowai, Naitung 29 : Ka jingïalehkai phutbol ‘5th Debo Shullai Memorial Trophy’ 2nd Division Football League Cum Knockout Tournament-2022 bala pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium Jowai.
Haba phai sha ka jingïakhun hapdeng ka Lion Sports and Youth Affairs pyrshah ïa ka West Madan Mustem kala long kaba ïakhaid bha bad ka jingïakhun ka la poi noh sha ka jingïashut Tie-Breaker, ha kaba kynhun ïalehkai jong ka Lion Sports and Youth Affairs kala jop da 5-3 kol ïa ka West Madan Mustem.
Ka jingïakhun lashai ka sngi 30 tarik kan long biang hapdeng ka West Madan Mustem pyrshah ïa ka Pynthorlangteiñ.
