Jowai, Ïaïong 09: Ka Khasi Student Union (KSU) Moodymmai Unit mynta ka sngi kala leit ban synñiang jingïarap da ka song pisa sha iwei i khyllung khunswet ha ka shnong Moodymmai, hadien ba ka kmie bad u kpa jong itei i khunlung ila khlad noh.
Ka seng ka pynpaw ïaka jingsngew sih bad jingisynei kaba khraw haba ïoh sngew ne ïohi ïa kine ki jingjia hapoh ka shnong ha thaw bad kumjuh ïaka iïng ka sem kaba mad kum kane ka jingjia.
Halor kane ka jingleit ai jingïarap ka seng la ïalam da u samla Binos Syngkon President ka KSU Moodymmai Unit lem bad katto katne ki dkhot, hashwa ban synñiang la pynlong ka jingïalang ba lyngkot bad la ïoh ka jingkren na u President ka seng uba la ai ka jingkyntu kynphang. Shuh shuh ula kyntu ïa katei ka longïing ba kan pdiang da ka jingsngewkmen ïa katei ka jingai sngewbha kaba long katkum ka jingkot bor jong ka seng bad u kyrmen ba kan long ka jingïarap ïa katei ka longïing jong i khunlung khunswet.
Ula ong ruh ‘ka shiphew tyngka kaba ki ai jingïarap sha ki ba duh ba duk ne sha ki khunswet khun rangli ka kham kordor ban ïaka 100 tyngka kaba ki ai sngewbha sha uba riewspah haka por ba u pyllong jingkhawai’. Kumta naka liang jong ka seng kala shim ïaka rai lada long katba long kum ka seng kan ïai don ryngkat bad katei ka ïing ba peit ïa i khunlung khunswet ha kano kano ka por.
