Shillong, Naiwieng 18: U Myntri Rangbah ka jylla u Conrad K. Sangma ha ka sngi Nyngkong u la aiti ïa ka cheque jong ka pisa kaba T. 6,07,336 sha u Dr. H.H. Mohrmen, uba dei ruh u Secretary jong ka Society for Urban and Rural Empowerment (SURE), ha ka kamra treikam jong u.
Ïa kane ka pisa la aiti halor ka jingthmu ban thied ïa ka kali na ka bynta ka Halfway Home, Jowai, kaba don hapoh ka shnong Sabahmuswang, West Jaiñtia Hills. Ïa kane ka pisa la aiti lyngba ka Chief Minister’s Special Development Fund 2024-25 (NGO Category).
Kane ka Halfway Home, ka project ba la pynïaid da ka Society for Urban and Rural Empowerment (SURE), kadei ka ïing ban sumar ïa ki briew kiba la shah ktah ha ki bor pyrkhat pyrdaiñ bad kiwei kiwei ha kaba ïa kane ka jaka sumar la plie ha ka 28 tarik u Jylliew, 2023.
Lah ban kdew hangne ba ka Halfway Home kaba ha Jowai ka la lah ban sumar ïa arngut ki briew ha kaba la ong ruh ba kane kadei ka Halfway Home ha ka jylla ba la synniang da ka Directorate of Social Welfare, Shillong.
Ha kane ka sngi la donlang da Project Coordinator, Niwanka Shylla, bad Social Worker, Ilasiewdor Gashnga. Dr. H. Niang, Block Development Officer ka Thadlaskeiñ Development Block.
Na ka liang u Myntri Rangbah u la ai khublei ïa ki nongtrei bad ai khublei ruh ïa ka NGO halor ki kam kiba ka la shakri.
