Da ka SIT thaw ki pulit ka WHG ban tonkit bniah halor ka jingïap u Dilseng Sangma

Shillong, K’Lyngkot 19: Ki pulit ka West Garo Hills District kila thaw noh da ka Special Investigation Team (SIT) ïa kaba un khlieh da u da u Sub Divisional Police Officer u R.A Sangma ban tohkit halor ka jingïap u Dilseng Sangma uba dei u dkhot ka ACHIK.
Kham ha shwa ki pulit kila kem ïa phra ngut ki briew kiba suba donkti bad ïa kine la rah ha khmat ka ïing bishar.
U Superitendent of Police (SP) ka West Garo Hills District u Abraham Sangma u la ong, mynta kila don hapoh ka police custody na ka bynta ban dang tohkit shuh shuh ban lap ïa ki briew kiba donkti ha katei ka jingjia.
Kino kino kiba don jingtip sha phang katei ka jingjia ba kynthup ïa kiba suba donkti lane ïa ki riew paidbah kiba donkti ki lah ban pyntip ha une u mobile number 7005680094.
Da baroh ki buit bad ki bor la pyndonkam na ka bynta ban kem ïa kiba donkti ha katei ka jingjia.U SP ka WGHD u la kular baroh ki paidbah bad sha baroh kiba don ka jingsngewkhia ba kin ym mab ïano ïano ban kem ïa kiba shah kynnoh kiba donkti ha katei ka jingjia bad ban pynioh ïa ka hok katkum ka ain.
Shuh shuh na ka liang ki pulit jong ka District kila kyrpad ïa ki paidbah ba kin long jai jai khnang ba ka shong suk shong sain kan neh hapoh ka district bad ym dei ban ïalam bakla da ki khubor lamler bad ki jingthoh ba khlem da pynshisha.
“Ïa baroh la kyrpad ba kin kiar ban pyn phriang ne ban phah ïa ki khubor, hynrei kidei ban leh da ka jingkit khlieh ha ki kor social media,” la ong ki pulit.
Shuh shuh ki pulit kila kyrpad ïa ki paidbah ba kin ai ka jingïatrei lang bad ruh ban sam lang ïa kino kino ki jingtip kiba ïadei bad katei ka jingjia.