Da ka RTI sei madan u Bah Lektor halor ka rukom shim pisa ban ïoh driving licence

Khliehriat, Nailar 26: U bah Lektor Dkhar uba na East Jaiñtia Hills District u la pynpaw ka jingsngew khia halor ka jingshim pisa palat ka ophis jong u District Transport Officer East Jaiñtia Hills District na kito ki briew kiba aplai ïa ka Driving Licence bad halor kane ula buh da ka RTI ban ioh tip ïa ka jingshishsa baroh namar u bah Lektor Dkhar u la ioh bun ki jingujor na ki briew kiba aplai licence kiba la kynnoh ba ki nongtrei jong ka tnat DTO ki la shim pisa palat na ki nong aplai driving licence.
U bah Lektor Dkhar u buh ïa ka RTI ha ophis u DTO East Jaiñtia Hills District naduh ka 10 tarik u naitung 2025 bad mynta u la ioh pdiang ïa ka jubab bad pynshai sha ki paidbah ïa ka jubab bad ong ba kiba aplai Licence ki la iathuh ba ka rukom shim ïa ka bai aplai ïa ka driving licence ka long kaba ym sngew iahap shuh ha kaba ki la don kiba la shim haduh T2000 haduh T3500 kawei ka driving licence te kane ka la pynlong ïa u ban wad jingtip lyngba ka RTI na ka ophis u DTO.
“Ka jubab kaba la ioh pdiang ka long ba ki don bunjait ki driving licenec ba la ai da ka ophis u DTO hynrei ka dor ka dei tang kumba T 200 tyngka kawei ka licence bad ka testing charge ka dei T300 tyngka kawei ka kali, ka form 7 ka dei ha ka dor T 200 tyngka kaba katkum ka ophis DTO, hynrei kaba sngew lyngngoh ba balei pat haba ki briew ki aplai ïa kane ka driving licence ki hap ban siew haduh T2000 bad T3500 tyngka, kana ka dei kaei kaei ka bym shai ïa ki paidbah kiba aplai licence, kaba ar ka long ba hato don nem em u doctor hapoh ka tnat DTO bad la ong ba ym don kum kata bad na ka bynta ban pynthymmai ïa ka driving licence pat T200 tyngka, ka form 7 pat ka dei T200 kaba katkum ka ophis u DTO bad hooid ki don ruh ki dor lada donkam ban pynheh ne upgrade ïa ka licence , ki kot ba donkam ki kynthup ka jingdonkam ïa ka Form-A ba la soi da u Doctor, kaba lai pat ki kot ki sla na skul ne ki school certicitace, ka dor jong ka Learner Licenve kaba long T150 ka driving licence fee kaba long T100 tang kine kiba donkam na ka bynta ban pynheh ïa ka driving licence hynrei katkum ka ujor ba la ioh la ong ba ki la shim T5000 haduh T6000 ka bai driving licence lada pynheh ïa ka licence, kane ka long kaei kaei ka bym shai ïa ki paidbah te mynta ka la shai ba ka dor ban shna ïa ka driving licence ka dei T200 tyngka bad lada donkam ban shna pynheh ne upgrade ïa ka licence ka long kuba la dep batai haneng” Ong u bah Lekror Dkhar.
Na ka bynta kane, bun ki paidbah ki la shah shim pisa na ka ophis u DTO haduh T2000 haduh T3500 kawei ka driving licence te na ka liang u bah Lektor u la ong ba un sa nang wad bniah shuh ha kaba u la ai por ruh ïa u DTO ba u dei ban jubab hadpoh hynriew sngi namar ki paidbah ki kwah ban tip shai ba balei ka ophis ka shim pisa T2000 haduh T3500 tyngka kawei ka driving licence, ïa kane u DTO u hap ban jubab , la bynrap ruh da kaba ong ba “Lada ki kwah ba ngin pyni ïa ka jingshisha bad lada ki ong ba ki khlem shim ïa ka pisa kumba ba ujor da ki paidbah na ka liang jong ngi ngi don lut ki sakhi ban pyni sha ka ophis ban pynshisha ba ki la shim ïa ka pisa T2000 haduh T3500 kawei ka driving licence , na ka liang jong ngi lada u DTO u sngew donkam ba ngin sei ïa ki sakhi ban pynshisha ngin sa sei madan bad hangne nga kyrpad ïa ki paidbah khamatm kito kiba la ujor sha ngi ba kin sngewbna ban iaishah bad ngi namar ïa kane ka kam ngi la dep pyrkhat bad ngi la dep ïakren ha kano ka lynti ba ngin iaid namar ïa kane ka kam ngi hap ïaid shakhmat namar kane ka long kaei kaei ka ba ngim lah ban pdiang”
Shuh shuh lada ngi sngew donkam ïa kito kiba la ujor ngin sa pyntip bad ngin sa leh ïa kaba donkam da ka lynti jong ka aiñ namar phin nym lah ban buhrieh namar ki sakhi ki don lut ha ngi namar ka dor jong ka driving licenece bad ka dor ba ki la shim kam iahap satia te balei ki la shu shim bun haduh kattne bad kane ka la paw ba ka dei ka kam ba ki la lute na ki paidbah ba donkam driving licence, namar bunsien ki paidbah ki donkam ka jingiarap na ki nongtrei hynrei ki la shim kabu pynban,
Kawei pat ka ïadei bad ka bai registration ïa ki number plate ïa ki kali la jubab ba ka bai registrer kam dei ba la buh da ka DTO hynrei ka dei kaba la buh da ka show room”
U bha Lektor Dkhar u pynshlur ïa ki briew kiba la ngat ha kaba kum kane ka jingshah shim pisa palat ha ophis DTO ba kim dei ban shu sngap hynrei ban mih shakhmat ban kren ïa ka jingshisha ha kaba ma u ruh lem bad ki paralok ki long la kloi ban iarap lang ïa ki paidbah kiba kynduh jingeh.