Da ka ‘Ri Jaiñtia Olympiad Competition 2026” yn pynlong ka JYF ïa ki samla pule ka Ri Lum Jaiñtia

Jowai, Ïaïong 01: Ka Education Cell jong ka Jaiñtia Youth Federation (JYF) Seng Kmie kum ka dak ban pynshlur ïa ki samla pule ka Ri-Lum Jaiñtia haka liang ka pule puthi kiba kham shalor, kala rai ban pynlong ïaka prokram bala ai kyrteng ka ‘Ri Jaiñtia Olympiad Competition 2026 First Edition’.
Ka thong jong kane ka prokram ka long ban pynrung haki jingmut jingpyrkhat jong samla pule kiba don ha kylleng ka East bad West Jaiñtia Hills ba kin don ka mynsiem jingïaleh ha kino kino ki exam bapher bapher.
Ïa kane ka ‘Ri Jaiñtia Olympiad Competition 2026 First Edition’ yn pynlong haka 28 tarik u Jymmang, 2026 bad la pynbynta haki lai tylli ki kyrdan ïa baroh ki samla pule ka Ri-Lum Jaiñtia.
Haka Bynta-I jong ka kyrdan Lower Primary School level ka long ïaki khynnah pule haka klas IV. Ka Bynta-II jong ka kyrdan Primary School level ka long ïaki khynnah pule haka klas Vl bad ka Bynta-III jong ka kyrdan Upper Primary School level ka long ïaki khynnah kiba pule ha ka klas VIII.
Na ka liang ka Jaiñtia Youth Federation ka kyntu ïa ki paidbah nongshong shnong ka Ri-Lum Jaiñtia naduh ki kmie ki kpa, ki nonghikai skul, ki bor sorkar bad ki kynhun treimon sngewbha ban kin ai jingkyrshan lem ïa kane ka jingpynbeit jong ka seng khnang ba kan long kaba jop.