Nongpoh, Jymmang 31: Ka ophis treikam jong u District Sports Officer, Ri-Bhoi District ryngkat bad ka ophis u Deputy Commissioner ka Ri-Bhoi District bad ka Ri-Bhoi Dorbar kin pynlong ïaka 10 km Ri-Bhoi Day Run 2022 Open category (Men & Women) na ka bynta ki nongmareh na Ri Bhoi District ha ka 4 tarik Jylliew 2022 naduh ka por 7 baje mynstep.Ïa katei ka jingmareh thong yn sdang naduh skul St. John Jyntru haduh NSCA, Indoor Stadium, Umlyngkdait, Nongpoh.
La pyntip ruh kiba kwah ban ïa shim bynta ha kane ka jing ïa mareh ki lah ban wan ai kyrteng ha ka office trei kam u District Sports Officers, Nongpoh, ha ka por long trei bad ka tarik ba khatduh ban pdiang ïaka jingpynrung kyrteng ki nongïa shim bynta kan long haka 3 tarik Jylliew 2022.
Ka khusnam na ka bynta ki nongjop ka long, Rs 7000/- na ka bynta ki 1st prize, Rs 5000/- ïa ki 2nd prize, bad Rs 3000/- ïa ki 3rd Prize. Kan don ruh ka jingai khusnam ba kyrpang na ka bynta ki nongshim bynta kiba rit tam, bad kiba rangbah tam. Ki barit tam ki nongshim bynta kin hap wan rah ïaka Birth Certificate, bad ki nongshim bynta ki ba rangbah tam kin hap wan rah ïa ka Election ID card.
Naka liang ka ophis u District Sports Officer, Ri-Bhoi District, Nongpoh, u khot sngew bha ïa baroh ki nongmareh na Ri Bhoi ban wan ïa shim bynta ha kane ka Ri Bhoi Day Run 2022.
