Nongstoin,Risaw 07 : Ka ophis jong ka District Programme Officer, ICDS Cell Nongstoin ka la pynlong ïa ka prokram Poshan Maah lane ka (National Nutition month) ha FGEM Higher Secondary School Nongspung West Khasi Hills District, ha ryngkat ka jingïadonlang ki khynnah skul bad ki nonghikai.
I Kong B.Rynjah, CDPO Nongstoiñ i la ong ba ka thong jong kane ka prokram ka long ban kyrsiew khamtam ïa ki khynnnah ki longkmie ba armet ban bam ïa ki jingbam tei met ban lait na ka jingduna snam. I la ong ba “ha ka pliang ba ngi bamja man ka sngi ka dei ban don ïa ki rong ka lama India” kaba mut ki jait jur bad soh kiba pher ba pher.
I Kong R.Nongsiej, LHV Health Dept Nongstoin i la kren shaphang ka World Rabies Day 2024 ka jingma jong ka jingshah dait ha ki ksew bad kumno ban ïada da kaba leit sumar ha Hospital. I la pynshlur ruh ïa ki ba ri ksew ban don ka jingkitkhlieh da kaba ai injek ïa ki ksew la ioh ruh ka jingshim smai ïaleh pyrshah ïa ka jingpang lymwir na ka jingshah dait ha ki mrad.
Hakane ka prokram kaba la long ha poh ka skul la pynïaid ïa ka jingïalang da i Kong OC Nongbri DPO, ICDS Cell Nongstoin i ba la ban ïa ka jingdonkam ban bam ïa ki jingbam tei met.
La ioh ïa ka jingkren pdiang da u Principal jong ka skul Bah Kyrshan Marngar u la pdiang sngewbha ïa baroh ki Officer kiba la kloi ban pyn long ïa kane ka prokram ha kane ka skul. La ong ruh ba ka Education Dept ka don ïa ka PM-Poshan lane ki skul kiba ju ai ja sngi ïa ki khynnah bad kumjuh na ka ophis ICDS lyngba ki Aganwadi ki ju ai ïa ki jingbam tei met ïa ki khynnah bad ki khynthei ba armet.
Ha kane ka sngi la ioh ïa ka Anaemia Testing (test snam) na ka bynta ki khynnah khynthei kiba 14 haduh18 snem la la leh da ki ANM napoh Umyiap Sub Centre
