Shillong, Nohprah 17: Ka Hynñiewtrep Youth Development Council HYDC Mawryngkneng Circle ka la ïoh bat kumba 10 ngut eiei ki khar Bangladeshi kiba thmu ban leit trei sha saw kilo ha East Jaiñtia Hills district.
Kine ki khar Bangladeshi kiba ïoh ïa ka police report na Silchar hynrei kiba wan pat na Byrnihat bad la ïoh kem noh ïa ki da ki shipai ka seng ha Mawryngkneng.
Na ka liang ka seng ka la ong ba kaba i thamula ka long ba balei ba baroh ki khar Bangladeshi kiba kam ïalade ba ki dei ki nong Assam bad kiba rah ruh ïa ki Aadhaar na Assam kim nang satia ban kren ïa ka ktien Assamese bad ki bym nang satia wat tang ban kren ïa ka ktien Hindi, kiba dei baroh ar tylli ki jait ktien kiba ju kren salonsar ha ka jylla Assam.
Kine ki khar Bangladeshi kiba thmu wan trei sha ka jylla ynda la kylli ïa ki kot ki sla, la shem ba wat ïa ki labour licence ruh kim don. Hadien ka jingïoh bat ka seng, bad hadien ka jingwad jingtip bniah la aiti noh ïa kine ki briew sha ka aiñ lyngba ka Mawryngkneng police station. Hynrei na ka Liang ka seng ka da sngew lyngngoh shikatdei ba kumno ki kine ki mynder kila ïoh noh ïa ka labour licence tang da ki katto katne kynta ba ki shah tohkit ha kti ki pulit.
Ka jingkylli na ka liang ka seng ka long ba hato kane ka la dei ka jingsdang jong ka thma sop sop jong ka ri Bangladesh pyrshah ïa ka thaiñ North East jong ka ri India da kaba phah ïa ki nongshong shnong ki jong ka shne sha jylla Meghalaya ban long kum ki nongbylla. Kum ban shu pynkynmaw ba dang shen u wei na ki nongïalam ka National Citizen Party jong ka Bangladesh u Hasnat Abdullah u la ong ba shen un sa pynlong ïa ka seven sister state jong ka ri India kum ka bynta jong ka ri Bangladesh.
Hato kane ka dei ka jingsdang jong u Hasnat Abdullah ïa ka thma sop sop pyrshah ïa ka ri India katkum ka jingkren ka jong u. Na ka liang ka seng ka kyntu ïa ki bor ba halor khamtam ïa ka Labour Department ba kan kham husiar hashwa ban ai ïa ki labour licence sha ki bar jylla ïoh ba kin dei pynban ki kaikhlaw ki ban long kum ki sleeper cell jong ka ri Bangladesh.
