Da ka kyrteng Raja Raghuvanshi jer kyrteng ïa i khun shynrang jong u hymmen u Raja

Shillong, Lber 31 : U Raja Raghuvanshi u dei u briew uba la shah pyniap ha ki briew kiba la thong pisa da ka kurim jongu ka Sonam Raghuvanshi hajan ka kshaid Weisawdong, Sohra, East Khasi Hills ha ka 23 tarik Jymmang 2025. ïa ka metiap ba la pyut jongu la lap da ki pulit ha ka 2 tarik Jylliew 2025 ba la bret shapoh ka riat bah hajan katei ka Kshaid.
Kane ka jingjia ka la jia ha ka por ba ki shijur ki wan ban pynlut por tang arngut ha kane ka jylla hadien ba la dep ïathoh ha Indore.
Ka longïing longsem jong u Raja ka la dap da ka jingkmen haba ka kurim jong u Hymmen u Raja u Sachin ka la kha da i khun shynrang bad kumta ki la jer kyrteng ïa itei i khyllung da u Raja namar ki don ka jingngeit ba la kha biang ïa u Raja ha ka ïing ka sem jongki. U Sachin u kpa jong ine i khyllung u la kam ba u Sadhu jong ka Kamakhya Temple u la dep ïathuh lypa ïa u ha ka jingleh niam kaba 13 sngi ba ïa u Raja yn sa kha biang ha ka ïing ka sem namar ka jingiap jongu ka dei kaba u shu shah pyniap ym na ka jingpang ka jingshitom.