Shillong, Jylliew 18: ‘Ki jingjop jong ki, ki ïathuh ha ngi ki khana’ bad ha ka jingshisha sa shisien pat, ka long ka bynta kaba khraw ba ka Raid Laban Sports Social and Cultural Organization (RLSSCO) kan sa pynlong biang ïa ka jingpynkup burom kaba la tip da ka 21st Meritorious Award for Students 2024, halor ki jingpass bha ha kiba bun ki eksam jong ka X bad XII kum ka SSLC, HSSLC, ICSE, CBSE, ISC, NIOS bad kiwei, na ka bynta ka snem pule jong u 2023-24, kiba la pass bha ïa ki eksam bad kiba la poi sha ki kyrdan 1st division bad shaneng bad tang na ka bynta kito ki samla pule kiba sah hapoh ka 19th South Shillong Constituency.
Kane ka khusnam kan long ruh na ka bynta ki DifferentlyAbled/Underprivileged kiba pass bha ha kino kino ki Division.
Ïa ki Requisite form lah ban ïoh napoh ka ophis ka seng kaba don ha ground floor jong ka residential office jong u Bah Sanbor Shullai-MLA (President) ha New Kench’s Trace, Shillong-4, naduh ka por 9:00 baje mynstep haduh ka 12:00 baje nohphai sngi ka ban long naduh ka 20 tarik mynta u bnai haduh ka 15 tarik u Naitung 2024. Ka tarik ba khatduh ban phah ïa ki form kan ha lane shwa ka 20 tarik u Naitung, 2024.
