Shillong, K’Lyngkot 03 : U Nongdro dur uba dei ruh ha kajuh ka por u nongoh dur ba pawnam ka jylla, Bah Raphel Warjri u la shah pynkup burom da ka khusnam Pranab Baruah Artist Award na bynta u snem 2025.
Kane ka khusnam kadei kaba la ai ban pynsah nam ïa u nongdro dur ba pawnam u Pranab, ban ithuh ïa ki riew donsap na ka thain shatei lam-mihngi jong ka ri kiba la noh synniang ha ka dro dur bad kumjuh ha ka ohdur ïa kaba la ju ai man la u snem ha ka lyngkhuh sngi kha jong u Baruah ha ka 22tarik u Rymphang.
Ha ka kyrwoh, ka Sulakshana Baruah Bhuyan, kaba dei ka Principal jong ka Pranab Baruah Kalakshetra, haba pynbna ïa kane ka rai ka la ai ka jingïaroh ïa ka jingnoh synñiang jong u Bah Raphael ïa ka jingnoh synniang jong u Bah Raphael ha kane ka bynta.
Kane ka khusnam ka kynthup ïa ka thup sah kynmaw bad ka song pisa kaba long 25,000 tyngka.
Naduh ba sdang ïa kane ha u 2002, kane ka khusnam ka la pynkup burom bun ngut bha ki riew donburom bad ki riew donburom na kylleng ka thain kynthup ïa ka Shobha Brahma, Benu Mishra, Nilpawa Barua, Adya Sharma, Biren Singh, Nani Barpujari, Pulak Gogoi, Jiten Hazarika, Janak Jhankar Narzary, Kushakanta Dev Goswami, Rabiram Brahma, Trailokya Dutta, Saleha Ahmed, Kandarpa Nath Sharma, Kiran Sankar, Champak Barbara, Dilip Tamuli, T.Tombi Singh (Manipur), Kulchandra M Khem (Manipur), Chinmoy Roy (Tripura), Tlang Raghuma (Mizoram), Takar Riba (Arunachal Pradesh) bad Buddhi Thapa (Nagaland).
Khyndiat shaphang u Bah Raphael, ïa une u rangbah la kha ha ka 14 tarik u Lber, 1961 ha Shillong. Une u rangbah u la pynlut haduh saw phew snem ei ei ban kyntiew ïa ka kam dro dur bad ohdur ha ka jylla bad dei ha u snem 1991 u la seng ïa ka Riti Academy of Visual Arts bad hadien pat u la seng sa ïa ka MAD Gallery ban pyni ïa ka sap kaba ki don.
U la leit ruh ban shim bynta ha ka jingpyni nam ha Dhaka ha u snem 2005 bad 2007 da kaba treilang bad ka Indian High Commission bad Greater Sylhet Indigenous Peoples Forum. Ïa ki kam jong u la pyni nam ruh ha kiba bun ki lympung ba pawnam ha ka ri bad wat shabar ri ruh kumjuh.
Kum u dkhot jong ka INTACH bad Khasi Authors Society, u Bah Raphael Warjri u dei ruh uwei na ki nongseng jong ka North East Film and TV Producers bad Directors Association kumjuh bad ïa ka Meghalaya People Environmental Rights Forum.
U dei ruh u dkhot jong ka Meghalaya Adventure Association, Meghalaya Editors and Publishers Association, bad Shillong Press Club, nalor ba u la dep thoh ruh bun tylli ki kot ha ka ktien Khasi bad English.
Ki khusnam kiba u la ïoh ban khur teng ki kynthup ïa ka ISB&M Award (Kolkata), Green Warrior Award, Rotary Club Shillong Excellence Award, bad ka State Tirot Singh Memorial Arts bad Literature Award na ka sorkar Meghalaya.
