Shillong, Risaw 08 : U Lat ka Jylla, u CH Vijayashankar u la shah pynkup burom da ka khusnam ba donburom, ka Kaveri Prashasti Award ha ka jingïalang kaba shongkun bha kaba long ha Raj Bhavan, Shillong ha kane ka sngi Balang.
Ka Kaveri Prashasthi Award, kaba la ai nam ha ka kyrteng jong ka Wah Kaveri kadei ka jingithuh ïa ki riew shimet kiba la noh synniang ha ka imlang sahlang. Kiwei kiba la ïoh teng ïa kane ka khusnam ka kynthup naduh ki riewkhraw kum u Padma Shri Saalu Marada Thimmakka, Sulagitti Narasamma, Sri Sri Ravishankarji, Sri Kiran Kumar (ISRO), nalor kiwei kiwei.
Ha kane ka sngi la wan ban donlang naduh Dr. Sri Sri Trinetra MahanthaShivayogi Swamiji, ki nongïalam niam bad khlieh duh ka Chandravana Ashrama, Srirangapatna, kumjuh u Myntri Rangbah ka Jylla Conrad K Sangma ryngkat u Symbud Myntri Rangbah Bah Prestone Tynsong nalor u Chief Secretary Dr. Shakil P. Ahmmed.
Kane ka khusnam kaba la pynbit pynbiang da ka Chandravana Ashrama, kadei kaba la ju ai man la u snem sha ki riew shimet kiba la noh synniang bha ha ki kam paidbah, kam bhalang khamtam haba ïadei bad ka jingleh bha para briew.
Ka prokram ka sdang da ka jingthang ïa ka sharak bud pat sa ka jingkren plie pyrda da u Dr. B.D.R. Tiwari, IAS, Commissioner & Secretary jong u Lat nangta ki jingpyni ïa ki kolshor tynrai.
Haba kren ha kane ka sngi, u Lat u la ai ka jingkhublei ïa u Lat uba la ïoh pdiang ïa katei ka khusnam ba donburom bad ong kane ka dei ka dak kaba paw jong ka jingsngewrit jong u ha ka jingshakri kaba khlem shongthait na ka bynta ki paidbah. U la ai khublei ruh ïa u Swami na ka bynta ka jingnoh synniang ha ka pule puthi, ka kotika khiah, ka mariang bad khamtam ban wanrah ïa ka jingsuk.
Na ka liang u Lat haba kren ha ka jingïalang u la ai ka burom kaba khraw ïa u Dr. Sri Sri Trinetra MahanthaShivayogi Swami bad Chandravana Ashrama na ka bynta katei ka burom.
U la ong ba kane ka khusnam ka dei ka dak kaba jylliew bha kumba ka wah Kaveri ka pyni ïa ka jingkhuid, ka jingim bad ka jingai ba khlem shongthait. U la ong ruh ba watla ka Meghalaya ka don jngai na ki rud wah Kaveri, hynrei ka mynsiem jong ka jingtuid jong ka ka, im ha ki wah ba khuid bad ki lum ba jyrngam jong ka Jylla, kaba pynshlur ïa baroh ban shakri ïa ka imlang sahlang bad ban ïada ia ka mariang.
Na ka liang u Dr. Sri Sri Trinetra Mahantha Shivayogi Swami u la ai ruh ka kyrkhu kyrdoh da ki kyntien ba shongsbai da kaba banjur ïa ka jingdonkam ban don ïa ka mynsiem ba sngewrit, ka jingsuk bad ka jingshakri lang na ka bynta ban kyntiew ïa ki para briew.
Ïa ka jingaiti ïa kane ka khusnam Kaveri Prashasthi Award sha u Lat ka Jylla la pyndep da u Swami ha ryngkat ka jingdonlang u Myntri Rangbah kumjuh u Symbud Myntri Rangbah nalor kiwei ki kynrem ki lyndan. Shanti Dhariwal, Samaram, bad Harendra Mirdha.
Kum shi bynta jong ka jingleit jngoh, ka kynhun na Meghalaya ka la leit ruh ban kynduh ïa u Lamphang jong ka Iing Dorbar Thawain jong ka Rajasthan.
