Jowai, Rymphang 16: Ka ophis u District Sports Officer West Jaiñtia Hills District mynta ka sngi 16 tarik u Rymphang kala pynlong ïaka Rural Sports Competition 2025-2026 naka bynta ka jingïalehkai Kho Kho & Kabaddi ha madan JNV Mukhla.
Haka jingïalehkai Kho-Kho jong ki shynrang la jop da ka PM SHRI School JNV Mukhla, wan ba ar ka Ram Krishna Mission Higher Secondary School, Nartiang. Katba haka liang ki kynthei la jop da ka PM Shri School JNV Mukhla, wan ba ar ka Ram Krishna Mission Higher Secondary School, Nartiang.
Haka jingïalehkai Kabaddi jong ki shynrang la jop da ka PM Shri School JNV, Mukhla wan ba ar da ka Ram Krishna Mission Higher Secondary School, Nartiang. Katba ha ka liang ki kynthei la jop da ka PM Shri School JNV, Mukhla (Blue Team), wan ba ar da ka PM Shri School JNV, Mukhla (Yellow Team).
Ha kane ka sngi la sam ruh ïa ki khusnam sha ki nongjop ha ka jingdon lang u ma K. Passah, District Sports Officer, West Jaiñtia Hills District, u Sunanda Devi bad u Nidhish Babu kiba dei ki nonghikai ka PM Shri School JNV Mukhla bad ka Pretty Myria Teacher Incharge Krishna Mission Higher Secondary School Nartiang.
