Shillong, Jymmang 02: Kum ka jingkynmaw burom ïa ka jingdap shisnem ka jingkhlad noh u Bah Kennedy Warlarpih, ka Seng Samla Malki kala pynlong da ki jingïalehkai kaba la tip kum ka Kennedy Memorial Trophies 2022 kaba kynthup naduh ka football, cricket, basketball, maw point, marathon bad ka jingpynkhuid ïa ka sawdong sawkun jong ka Shnong.
Ïa kane ka lympung la plie pyrda ha ka 2 tarik Jymmang da ka Kong Ampareen Lyngdoh kaba dei ka MLA jong ka Shillong East ha madan ïalehkai ha Malki, ha ka jingïadonlang kiba haïing hasem naduh ka kmie ka kurim bad ki khun jong u Bah Kennedy Warlarpih.
Ïa kane ka jingrakhe kynmaw burom la sdang da ka football bad ïa kane yn pynkut ha ka 4 tarik Jylliew 2022. Kum ban pynkynmaw hangne ba u Bah Kennedy Warlarpih udei u nongïalehkai ba la khur nam laduh ha ka arm wrestling bad kiwei kiwei ki jingïalehkai.
