Shillong, Nailur 06: Ka sorkar jylla ha ka jingïatreilang bad ka United Nations World Food Programme (WFP), ka la pynlong ïa ka jingplie ïa ka workshop na ka bynta ka 5-Year Strategic Vision Document for the Targeted Public Distribution System (TPDS) ha Shillong Club.
La ong ba kane ka kam kadei ruh na ka bynta ka jingthmu ban kyntiew ïa ki lad ai jingmyntoi ha kaba ïadei ki jingsngaiñ ha ka bam ka dih bad kumjuh ruh ban pynduna ïa ki jingsiew ha kaba ïadei bad ki marbam bad kumjuh ruh ban ïarap ïa ki jingeh ba la mad da ki nongshong shnong kiba don kumba 3 million khamtam ki riewlum bad sha ki jaka kiba shem jingeh ban poi.
Ïa kane ka workshop la wan ban shim bynta da u Myntri ka tnat Food, Civil Supplies & Consumer Affairs, u Bah Coming one Ymbon, u Pravin Bakshi, IAS, Commissioner & Secretary, FCS&CA, ka Saloni Verma, IAS, Director, FCS&CA, bad kiwei ki heh sorkar na ki district bad ki tnat bapher bapher.
Kane ka jingïatreilang ka long ruh halor ki jingannud jong ka sorkar ban kyntiew ïa ka jingim jong ki nongshong shnong bad ki briew kiba mad ïa ki jingeh kiba bun ha kaba ïadei bad kane ka bynta.
