Shillong, Naitung 27 : Ka Directorate of Commerce and Industries (DCI) ha ka sngi Thohdieng ka la pynlong ïa ka prokram kaba pynai jingkyrmen kaba shisngi bad ka jingïasyllok halor ka kam ban pyntreikam ïa ka Competition Act, 2002, ha ka jingïatreilang bad ka Competition Commission of India Advocacy. Ki heh ophisar na ki tnat bapher bapher ki la shim bynta ha kane ka prokram, kaba la long ha conference hall jong ka Directorate.
Haba kren ha kane prokram u Commissioner and Secretary ka Commerce and Industries, u Pravin Bakshi u la ong ba ka jingthmu jong kane ka prokram ka long ban pynsngewthuh ïa kiba shim bynta bad ka jingtreikam ka Competition Commission of India’s (CCI). Ka CCI, hapoh ka Section 49 (3) ka Competition Act, 2002, ka la ju pynlong ïa kine ki jingai jingpynshlur kum ki workshop, seminar, bad jinghikai ïa ki nongshong shnong, kynthup ïa nongtrei ka sorkar pdeng bad ka sorkar jylla.
Na ka liang u IAS officer barim u B. Hajong u la batai ïa baroh ki jingtip ba bniah jong kane ka Act’s. Ka Competition Act, 2002, ka la pynmih ïa ka Commission ban ïada na ki kam ïaleh pyrshah ha ki jingïakob, ban kyntiew bad pynneh ïa ka ïew competition, ban ïada ïa ka bha ka miat ki consumer, bad ban pynthikna ïa ka kam khaïi ba laitluid bad ban pyrkhat ïa ka ïoh ka kot ka ri.
