Khliehriat Naiwieng 03: Ka ophis jong ka District Sports Officer, East Jaiñtia Hills District myn ha ka 31 tarik u risaw ka la pynlong ïa ka jingiamareh marathon bad la pyllait ïa ka lama marathon da u General Secretary, East Jaiñtia Hills District Sport Association, u bah Coming One Joy Tlang ha ka jingdon ryngkat lang ka District Sports Officer, East Jaiñtia Hills District, ka kong Stephanie M Rapsang lem bad kiwei kiwei ki heh sorkar, kane ka jingiamareh marathoh ka dei shibynta kum ka jingrakhe ïa ka National Unity Day.
La sdang ïa ka jingmareh na ka ophis ba rim u Deputy Commissioner (Khliehriat) sha Rymbai PHC bad phai biang sha ka lynti hajan ka ophis DC ba rim.
Kane ka dei ka jingiamareh kaba 8.5 km bad la wan ban ïa shimbynta lang da ki 105 ngut ki nongmareh kiba na East Jaiñtia Hills District kynthup ki kynthei bad ki shynrang.
Ha katei ka jingiamareh marathon, na ka liang ki shynrang, u samla Knerlang Phawa uba na shnong Tuber u la rah ïa ka nam lah duh, u samla Bismo Sumer u la wan ba ar bad u samla Rishanmehi Ryngkhlem. U la wan ba lai.
Na ka liang ki kynthei pat ka Rosy Sana ka la rah ïa ka nam lah duh, ka Wansaki Phawa ka la wan ba ar bad ka Phyrnai Kyndait ka la wan ba lai.
Kitei kiba jop ha ka kyrdan ba nyngkong ki la ioh khusnam da ka pisa T 5000 tyngka, kiba wan ba ar ki ioh T 3000 hajar tyngka bad kiba wan ba lai ki ioh T 2000 tyngka.
