Nongpoh, Ïaiong 09: Ki nongïalam ka Meghalaya Weightlifting Association kila pyntip ba kin sa pynlong da ka jingïakop rah nar jong ki kynthei bad shynrang naka bynta ban sei madan ïaki khun samla kiba don ka sap bad ka bor ban rah nar shibynta ban pynkhreh ïaka Meghalaya Games ka ban long haka 2 tarik Jymmang 2022.
Haba kren sha ki lad pathai khubor mynta ka sngi ki nongïalam ka MWLA ba kynthup ïa u Bah Mawshan Singh G. Hynniewta President ka Meghalya Weightlifting Association (MWA) u bah Batskhem Basaiamoit General Secretary, bah Donald Rymbai President ka Ribhoi Weight lifting Association kila pyntip ba ïa katei ka jingïakop yn pynlong haka 23 tarik Ïaiong 2022 ha madan NSCA Pahamsyiem.
Naka liang kitei ki nongïalam kila ong ruh ba kane ka dei ka kabu ïaki khun samla kiba don ka bor bad ka sap ba kin mih shakhmat naka bynta ban sei ïaka sap ïalehkai jong ki namar kane ka dei ruh ka lad iohkam iohjam ïa kiba don shisha ka sap ba kin shah jied pat sha kiwei kiwei ki jingïakhun ba kham shalor wat ban mihkhmat naka jylla Meghalaya bad kane ka lympung kan long ruh kum ka jingpynkhreh naka bynta ban aireng haka Meghalaya Games.
Shuh shuh naka liang ki nongialam ki la ong ruh ba lada ki wei ki jylla ki lah ban wanrah nam jop balei ka jylla Jong ngi ki ba dei ki jait bynriew ki ba khlain kim lah, bad ruh naka liang ka jong ki ki la batai ba ka Ri-Bhoi District ki don la u briew u ba la dep pass na shabar ri u ban sa ai ka jinghikai ïaki nongïashim bynta kumno ban rah namar ka weight lifting kadei ka ba kham pher bad dei ban pyndonkam da ki buit kumno ban rah ïa u nar, naka liang u bah Donald Rymbai u la buh ka jing kyrpad ba la da don kino kino ki ba kwah ban nong synñiang ïaka association ka kong ki kan long ka Jing kyrkhuh shibun eh namar naka liang ka Jong ki ki dang donkam shibun ki tiar ki tar khnang ba ki ioh ka jingpyntbit kaba janai ïaki rang ïaleh kai ki ban shim bynta.
