Jowai, Jylliew 24: Ka ophis jong ka District Social Welfare Officer, West Jaiñtia Hills District, Jowai ha ryngkat ka jingïatreilang ki bor pynïaid District bad ka District Sports Officer, West Jaiñtia Hills District, kin pynlong ïa ka jingïakop mareh ne ka “Run against Drug Abuse and Illicit Trafficking” (Observation of International Day against Drug Abuse & Illicit Trafficking 2025) & Nasha Mukt Bharat Abhiyaan, na ka bynta ki shynrang bad ki kynthei (open category).
Ïa kane ka jingïakop mareh yn sdang ban kaweh lama na Main Gate Kiang Nangbah Stadium (Starting point) bad ïaid lyngba u surok Ladthadlaboh Main Road- Jowai Public School-Gate Polytechnic Kshaid Rymphum Salaroh – Dulong Poh-hali Road Dulong- Tpep-Pale- Wahnangbah Road New Hill- National Highway bad pynkut ha Kiang Nangbah Indoor Stadium (Finishing point).
La pynbeit ban pynlong ïa kane ka ka “Run against Drug Abuse and Illicit Trafficking” haka 26 tarik u Jylliew, 2025 naduh ka por 6 baje mynstep, yn shim kyrteng ïa baroh ki nongwan ïashim bynta ha Kiang Nangbah Indoor Stadium, Jowai naduh ka por 5 baje shiteng mynstep.
Ka ophis District Social Welfare Officer bad ki bor pynïaid District ka West Jaiñtia Hills, Jowai ki khot sngewbha ïa baroh lang kiba dei napoh ka District ban wan ïashim bynta ha katei ka sngi, La pyntip ruh ba na bynta ki nongjop baroh yn sam da ka song pisa bad ki Mementoes.
