Da ka jingïakop dro dur pynlong ka DS Loomkyrwiang ban rakhe lyngkhuh ïap u Kiang Nangbah

Jowai, Nohprah 23 : Ka Dorbar Chnong Loomkyrwiang haka thong ban khring ïaka jingmut jingpyrkhat jong ki khynnah shaphang u Kiang Nangbah, uba long u khlawait ka Ri 12 Dolloi uba la ïap ha u tyllai pasi ka Sorkar Phareng haka 30 tarik u Nohprah 1862.
Kumta ha kane ka 20 tarik kala pynlong da ka jingïakop dro dur katkum ki phang ba la pynbynta ha ki kyrdan ba kynthup ïa kiba 3-5 snem, 6-9 snem bad 10-14 snem.
Na ka liang ka Dorbar Chnong kala pyntip haka 30 tarik u Nohprah kaba dei ka lyngkhuh snem ïap ba 163 u Kiang Nangbah, kan pynlong ïa ka jingleh burom ba kyrpang ïa katei ka sngi ha Dorbar Hall (Yungwalieh) ka shnong, kum ka dak ban kynmaw burom ïa ki kam kiba u Kiang Nangbah ula leh na ka bynta ka Ri bad ka jaitbynriew.