Da ka jingïakob shna phlim lyngkot yn pynlong da ka National Human Rights Commission

Shillong, Jylliew 12: Ka National Human Rights Commission ka la plie na ka bynta ban ïoh rung ha ka jingïakob shna phlim lyngkot kaba 11 jong ka halor ki hok longbriew manbriew ne ka 11th annual competition for short films on human rights.
La ïathuh ba kane ka jingïakob ka la ïohpdiang ka jingjubab kaba bha ha kine ki snem ba la dep, bad mynshem snem ki la don kumba 303 tylli ki entry na ki bynta bapher bapher jong ka ri.
Ka jingthmu jong kane ka award scheme ka long ban pynshlur bad ban ithuh ïa ki kam cinema bad ki jingpynshang ban sei ïa ki sap jong ki nongshong shnong jong ka ri India, kiba long ruh ha ki rta bapher bapher, ka jingai jingkyrshan ban kyntiew ïa ki bad kumjuh ruh ki lad jingïada ïa ki hok longbriew manbriew.
Ki khusnam best film da ka pisa na ka bynta ka kyrdan kaba nyngkong, baar bad balai kan long T. 2 lak, T. 1 lak 50 hajar bad T. 1 lak. Na ka liang ka Commission ka la ïathuh ruh ba nalor ka jingai khusnam da ka pisa, ki syrnot bad ki trophy, ki lah ruh ban pyrkhat ban ai ïa ka ‘Certificate of Special Mention’ ha ryngkat bad ka khusnam da ka pisa kaba dei T. 50,000/- iwei iwei ïa ki katto katne ki film, lada mynjur da ki nongbishar.
Ka tarik ba khatduh ban pdiang ïa ki entry kan long ha ka 31 tarik u Nailur, 2025. Ïa ki Entry lah ban phah online ha ka nhrcshortfilm@gmail.com, da kaba pyndonkam ïa ka Google drive folder.
Ïa ki kyndon bad ki jinglong jingman jong kane ka scheme bad ïa ki application form lah ban download na ka NHRC website: www.nhrc.nic.in