Da ka Dat Moopoin bad Iatan Tylle yn rakhe National Sports Day ka ophis u DSO West Jaiñtia

Jowai: Kum shi bynta na ka jingrakhe ïa ka National Sports Day 2022 ka ban sa rakhe ha ka 29 tarik mynta u bnai na ka liang jong ka ophis treikam jong u District Sports Officer, West Jaiñtia Hills kan sa pynlong ïa ka Traditional Game Competition lane ka jingïalehkai sport tynrai ïa kaba la ju tip kum ka “Dat Moopoin” bad ka “Iatan Tylle” (Tug of War) ha katei ka sngi.
Ia kane ka jingïakop yn pynlong ha Kiang Nangbah Stadium, Jowai naduh ka por 9:00 baje mynstep.
Kumta na ka liang jong u ophisar kane ka ophis u ma K. Passah u khot u wer ïa ki paidbah ba na jan bad na jngai ba kin sngewbha ban wan sakhi lem ïa kane ka jingïalehkai tynrai jong ki nong Jaiñtia.