Jowai, K’Lyngkot 02 : Ka ophis jong ka Sohkha Mission Village Durbar kaba hap hapoh ka Elaka Nongtalang Dolloiship, ha kane ka 30 tarik jong u bnai bala dep kala pynlong ïa ka jingai khusnam sha ki samla pule jong ka shnong kaba la tip kum ka ‘9th Excellence Award Distribution 2025’ ha Community Hall Sohkha Mission.
Ha kane ka sngi ïa ka jingïalang la pynïaid da u ma H.L Gadew uba dei u Assistant Waheh Shnong, haka jingdonlang u kongsan ma Manbha Khonglah uba dei u Project Coordinator Meghalaya Bharti Airtel Foundation, ki riew rangbah jong ka shnong bad ki paidbah nongshong shnong.
Ki nongïoh ïa kane ka khusnam mynta u snem ki long ka samla Safiyona Gashnga 1st Division BSc, u Rikidame L Gashnga 1st Division, HSSLC (Science), ka Aikinsanlang L Gadew 1st Division HSSLC (Arts), u Vitreous Pohshna 1st Division SSLC, u Abednego Liting 1st Division SSLC, ka Maialangki Myrlia 1st Division SSLC, ka Agnimi la ai Diengngan 1st Division SSLC, ka Suchen Khonglah 1st Division SSLC bad u Artaban Pohshna 1st Division SSLC.
La pynphuh shuh shuh ïa kane ka sngi da ka jingrwai kyrpang na u Yullbrown Sumer, ki kyntien kitbok na u kongsan bad kumjuh na Waheh Shnong ma P.S Suchen, ka kong N. Tongper, nonghikai barim ka Sohkha Govt. HSS, katba ïa ki kyntien ai khublei la ïoh na u General Secretary ma M. Manner.
