Jowai, Ïaïong 20: Ka Jaiñtia Student Union (JSU) seng kmie kan pynlong daka jingïalang paitbah haka 22 tarik Ïaïong, 2022 haka por 11 baje ha khmat ka ophis u Deputy Commissioner na bynta ka jingneh sah ki ñuit ha Iawmusiang Jowai.
Kane ka jingïalang ka sur u paitbah ka long halor ka nongrim ban dawa marador naka sorkar ban kit mardor ïaki ñuit ba lang da ki bun bnai ha Iawmusiang. Ka seng kam lah ban shu sngap jar ban shu peit kai ïa ka jinglong jingman ka Iawmusiang mynta namar ka ñuit kila lang daki phew ton haduh mynta kaba la shu kut tang haka jingïakren bad kam poi shano shano.
Na ka liang ka seng kan pynlong daka jingïalang paitbah ban wanrah ïa kawei ka sur jingdawa na ka sorkar ba ka dei ban pynkhuid mardor khlem da buh teng shuh.
Ka seng ka wer ïa baroh ki nongshong ïew bad ki paitbah ba kin wan lang sha kane ka jingïalang paidbah ha khmat DC office ban dawa ïa kawei ka sur na bynta ka khuid ka suba ban lait na ka jingtngit ka ïew bad lait ban mih ki jingpang kiba mih na ki ñuit ba ha rukom kiba ktah ïa ki paitbah nongleit nongwan bad ki nongshong shnong ba marjan bad kumjuh ïa ka shnong Jowai baroh kawei.
