Shillong, Ïaïong 12: Ka Umphyrnai SC kala khur ïa ki lai point ha ka jingïakhun ha ka sngi Ba-ar jong ka lympung ïalehkai First Division ba pynïaid da ka Shillong Sports Association (SSA).
Kane kala wan hadien ba kala pynliem noh da 1-0 pyrshah ïa ka Imson SC ha ka jingïakhun ha madan MFA, Polo, Shillong.
Ka jingïakhun hapdeng kine ki ar tylli ki team ka long kaba ïakhaid bad itynnad bha, bun ki kabu ba kila pynlehnoh ei naduh kaba sdang jong ka jingïalehkai.
Watla ka jingïapyrshang thep kol hapdeng kine ki ar tylli ki team ka thnem bha hynrei haduh kaba kut ka kylla step ym don ba lah ban ïathep kol.
Haba wanphai biang sha ka kylla miet, ka jingïalehkai kala nang ïathnem bad dei ka jingïalehkai kaba la jan kut artad (90+2min) u Damanglang Kharbyngar u la thep ïa ka shi kol na bynta ka Umphyrnai SC kaba la khur syndon ïa ka jingjop.
Ka jingïalehkai mynta ka sngi Balang kan long hapdeng ka Lawsohtun SC pyrshah ïa ka Nongthymmai SC ha ka por 3:30 janmiet.
