Birmingham, Naitung 30 : U rang rah nar jong ka ri India u Sanket Mahadev Sargar ha ka sngi Saitjaiñ u la jop ïa ka takma rupa ha ka kyrdan ïakop rah nar jong ki shynrang ba 55kg ha ka Commonwealth Games 2022 ha Birmingham.
Utei u rang rah nar ba dang 21 snem ka rta u la rah ha ka jingkhia baroh kaba kot sha ka 248kg (113kg ha ka snatch bad 135kg ha ka clean & jerk) kaba la pynlong ïa ka ri India ban khur takma kaba nyngkong tam ha katei ka lympung ïalehkai Commonwealth Games 2022.
Katba ïa ka takma ksiar la ïoh da u Bin Kasdan Mohamad Aniq jong ka Malaysia uba la jop da kaba rah ha ka jingkhia da 249kg (107 + 142), katba u Dilanka Isuru Kumara Yodage jong ka Sri Lanka u la jop ïa ka takma rupa da kaba rah ha ka jingkhia kaba 225kg (105 + 120).
Ha kane ka sngi sdang jong ka National Exhibition Centre, u Sargar u la sdang da kaba rah ha ka jingkhia kaba 107kg. Hadien kane u la rah pat ha ka jingkhia kaba 11kg bad pynkut pat da kaba rah ha ka jingkhia kaba 113kg, kaba la pynlong ïa ka ri India ban sdang da kaba khur takmta rnong ha katei ka lympung.
Utei u rangrah nar ba 22 snem na Sargar jong ka Sangli district ka Maharashtra, uba la jop takma rupa ha da kaba rah ha ka jingkhia kaba 248kg hynrei u la shah tam ha u Mohamad Aniq jong ka Malaysia, uba la wanphai da kaba rah ha ka jingkhia kaba 249.
Utei u nongrah nar jong ka Malaysia u la rah nyngkong ha ka jingkhia kaba 107kg shwa ba un rah ha ka jingkhia kaba 142kg ha ka clean and jerk na bynta ka record kaba long da 249kg. U Sargar u la rah ha ka jingkhia kaba 113kg hynrei u khlem lah ban pyndep ha ka jingkhia kaba135kg ha ka clean and jerk. U D. Yodage u la jop ïa ka takma rnong da kab rah ha ka jingkhia kaba 225kg.
Na ka liang u Sagar u la pynpaw ka jingsngewsih ba u khlem lah ban khur ïa ka takma ksiar ha katei ka jingïakop. “Nga dap da ka jingsngewsih bad sngewdom ruh ha kajuh ka por ba nga la duh ïa ka takma ksiar. Nga la pynkhreh bha bad trei shitom na bynta ban khur ïa ka takma ksiar hynrei sniewbok kane ka jingpang ka la pynlong ba ngan duh ïa ka takma ksiar,” ong u Sargar hadien ba la kut ka jingïalehkai.
U la pynpaw u kwah ban ai sngewbha ïa ka takma rupa na bynta ka jingrakhe ïa ka Azadi ka Amrit Mahotsav jong ka ri India.
