Shillong, Ïaiong 11: Ka Jylla Meghalaya kala lait mynta haduh phra tylli ki District na ka khlam Covid-19 da ka jing koit lut baroh ki nonpang ne ki active case.
Kine ki District ki kynthup ïa ka Ri-Bhoi District, South West Khasi Hills, West Jaiñtia, Eastern West Khasi Hills, East Garo Hills, North Garo Hills, South Garo Hills bad ka South West Garo Hills.
Kat kum ka jingpyntip ka Tnad ka Koit ka Khiah, ym shym la don satia ki briew kiba dang iabit thymmai ne kiba ïoh pat ïa ka jingkoit ha kine ki arphew sawkynta bala leit noh. Ka jingdon jong kiba ïap ka long 1593 ngut baroh lang.
Haduh 93784 ngut ki briew kila ïabit ïa kane ka jingpang ha kine ki laisnem tam mynta hynrei haduh 92176 kila ïoh pat ïa ka jingkoit.
