Shillong, Ïaiong 08: Ka Jylla Meghalaya kala sah satang 14 ngut ki briew kiba dang pang Covid-19 ne ki active case.
Haduh hynriew tylli ki District kila lait na kane ka jingpang bad kine ki dei ka Ri-Bhoi District, South West Khasi Hills, East Garo Hills, North Garo Hills, South Garo Hills bad ka South West Garo Hills.
Kat kum ka jingpyntip ka Tnad ka Koit ka Khiah, ki briew ba dang ïabit thymmai ïa ka jingpang kila don satang iwei mynta ka sngi katba5 ngut ki nongpang kila ïoh pat ïa ka jingkoit. Ka jingdon jong kiba ïap ka long 1593 ngut baroh lang.
Haduh 93781 ngut ki briew kila ïabit ïa kane ka jingpang ha kine ki laisnem tam mynta hynrei haduh 92174 kila ïoh pat ïa ka jingkoit.
