Shillong, Lber 25: Ka Jylla Meghalaya kala don mynta satang 51 ngut ki briew kiba dang pang covid-19 ne ki active case.
Kat kum ka jingpyntip ka Tnad ka Koit ka Khiah, ki briew ba dang ïabit thymmai ïa ka jingpang kila don sa 7 ngut ha kine ki arphew saw kynta bala leit noh katba 6 ngut ki nongpang kila ïoh pat ïa ka jingkoit. Ka jingdon jong kiba ïap ka long 1593 ngut baroh lang.
Haduh 93754 ngut ki briew kila ïabit ïa kane ka jingpang ha kine ki laisnem tam mynta hynrei haduh 92110 kila ïoh pat ïa ka jingkoit.
