Shillong, Lber 23: Ka Jylla Meghalaya kala don mynta satang 50 thik ki briew kiba dang pang covid-19 ne ki active case.
Kat kum ka jingpyntip ka Tnad ka Koit ka Khiah, ki briew ba dang ïabit thymmai ïa ka jingpang kila don sa 8 ngut ha kine ki arphew saw kynta bala leit noh katba 7 ngut ki nongpang kila ïoh pat ïa ka jingkoit.
Sa iwei i nongpang ila ïap na kane ka khlam kaba kyntiew ïa ka jingdon jong kiba ïap sha ka 1592 ngut baroh lang.
Haduh 93738 ngut ki briew kila ïabit ïa kane ka jingpang ha kine ki laisnem tam mynta hynrei haduh 92096 kila ïoh pat ïa ka jingkoit.
