Shillong, Ïaiong 01: Ka Jylla Meghalaya kala nang hiar nang hiar mynta ha ka jingdon jong ki briew kiba don ïa ka jing pang Covid-19 ne ki active case da ka jingnang bun kiba koit na ka sngi sha ka sngi.
Ki active case kiba don mynta ki sah tang 19 ngut bad ki District ba dang don bun eh ka dei ka East Khasi Hills kaba don 8 ngut.
Kat kum ka jingpyntip ka Tnad ka Koit ka Khiah, ki briew ba dang ïabit thymmai ïa ka jingpang kila don satang lai ngut mynta ka sngi katba 7 ngut ki nongpang kila ïoh pat ïa ka jingkoit. Ka jingdon jong kiba ïap ka long 1593 ngut baroh lang.
Haduh 93765 ngut ki briew kila ïabit ïa kane ka jingpang ha kine ki laisnem tam mynta hynrei haduh 92153 kila ïoh pat ïa ka jingkoit.
