Shillong, Ïaiong 25: Ka Jylla mynta ka don sa 6 ngut ki briew ba dang pang Covid-19 ne ki active case bad ka Ri-Bhoi District ka dei kaba don bun eh na baroh ki District.
Satang 3 tylli ki District kiba dang don mynta ïa ki nongpang bad kine ki dei ka Ri-Bhoi-4 ngut, ka East Jaiñtia Hills-1 bad East Khasi Hills-1.
Kat kum ka jingpyntip ka Tnad ka Koit ka Khiah, iwei i briew ila ïabit thymmai ïa ka jingpang ha kine ki arphew saw kynta bala leit noh. Ka jingdon jong kiba ïap haduh mynta kala kot 1593 ngut.
Haduh 93795 ngut ki briew kila ïabit ïa kane ka jingpang ha kine ki laisnem tam mynta hynrei haduh 92196 ngut kila ïoh pat ïa ka jingkoit.
